Nailə Məmmədəli qızı Vəlixanlı — görkəmli Azərbaycan tarixçisi, tarix üzrə elmlər doktoru, professor, akademikdir. O, 2001-ci ildə AMEA-nın müxbir üzvü, 2007-ci ildə isə həqiqi üzvü seçilmişdir. Nailə Vəlixanlı uzun illər Azərbaycan tarix elminin inkişafına, milli tarixi irsin elmi əsaslarla tədqiqinə və təbliğinə mühüm töhfələr vermişdir. Alim Azərbaycanın orta əsrlər tarixi, mənbəşünaslıq, tarixşünaslıq və mədəni irs problemləri üzrə apardığı fundamental tədqiqatlarla tanınır. Onun elmi əsərləri ölkə daxilində və beynəlxalq elmi mühitdə yüksək qiymətləndirilmiş, tarix elminin aktual məsələlərinin araşdırılmasına yeni yanaşmalar gətirmişdir. Nailə Vəlixanlı Azərbaycan Milli Tarix Muzeyinin direktoru kimi muzey işinin müasir tələblər səviyyəsində təşkili, milli tarixi-mədəni irsin qorunması və geniş ictimaiyyətə təqdim olunması istiqamətində ardıcıl fəaliyyət göstərmişdir. Elmi-pedaqoji fəaliyyəti ilə yanaşı, o, gənc tarixçi kadrların hazırlanmasında da mühüm rol oynamışdır. "Nailə Vəlixanlı – 85" adlı virtual sərgidə akademik Nailə Vəlixanlının həyatı, elmi fəaliyyəti, müəllifi və ya redaktoru olduğu kitablar təqdim edilir.