İncəsənət ədəbiyyatı zalı
İncəsənət ədəbiyyatı zalında incəsənət, musiqi, teatr, rəssamlıq və digər yaradıcı sahələrə aid kitablar, notlar, jurnallar və digər materiallar toplanır və oxucular müxtəlif mövzular üzrə məlumat əldə edərək tədqiqat işləri apara bilərlər. Zalın əsas məqsədi, cəmiyyətin mədəni və intellektual inkişafına töhfə vermək və insanlara incəsənət və ədəbiyyat sahəsində bilik əldə etmək üçün ideal şərait yaratmaqdır.
Oxu zalı
Qədim Şərq memarlığı üslubunda yenidən bərpa olunmuş Oxu zalında oxucuların sakit və rahat bir mühitdə kitab, dövri mətbuat və digər materialları oxuması üçün bütün şərait yaradılmışdır. Zal kompüterlər və internetlə təchiz olunmuşdur. Oxucu öz kitab və kompüterindən rahatlıqla istifadə edib və eyni zamanda zalda yerləşdirilmiş kompüter vasitəsilə Elektron kataloqa daxil ola bilər.
Konfrans zalı
Prezident, dövlət idarəçiliyi və ölkəşünaslığa dair informasiya resursları bölməsinin nəzdində fəaliyyət göstərən Konfrans zalı müxtəlif tədbirlər, kitab təqdimatları, mətbuat konfransları, sərgilər, ədəbi-bədii görüşlər və oxucu konfranslarının keçirilməsi üçün nəzərdə tutulmuşdur.
