Azərbaycanın allüvial-hidromorf torpaqlarının morfogenetik diaqnostikası, təsnifatı və qleyləşmə prosesinin subtropik xüsusiyyətləri
- Sərlövhə:
- Azərbaycanın allüvial-hidromorf torpaqlarının morfogenetik diaqnostikası, təsnifatı və qleyləşmə prosesinin subtropik xüsusiyyətləri
- Müəllif:
- Həsənov Vilayət
- Nəşr ili:
- 2021
- Annotasiya:
- Monoqrafiya Azərbaycanın çay vadilərində kəskin dəyişkən dinamiki torpaqəmələgəlmə prosesinə, mürəkkəb torpaq örtüyü strukturasına malik və zonal torpaqlara nisbətən zəif öyrənilmiş allüvial-hidromorf torpaqlara həsr olunmuşdur. AMEA Torpaqşünaslıq və Aqrokimya İnstitutunun tematik planına uyğun olaraq 50 ildən çox aparılmış müqayisəli-coğrafi, detal və çoxillik stasionar torpaq tədqiqatı materiallarının riyazi-statistik təhlili əsasında allüvial-hidromorf torpaqların morfogenetik diaqnostikası, xüsusən qleyləşmə prosesinin rütubətli və quru subtropik xüsusiyyətləri araşdırılmışdır. Təbii təkamülün prinsiplərinə və Beynəlxalq standartla uyğun, milli tələblərə cavab verən allüvial-hidromorf torpaq təsnifatı hazırlanmışdır. Dağ çaylarının gətirmə konuslarında yayılmış allüvial-daşlı torpaqların daşlılıq dərəcəsinin təyin olunması, təsnifat qruplaşması və xəritələşdirilməsi öz əksini tapmışdır.
Biblioqrafik təsvir
Həsənov, Vilayət Həsən oğlu. Azərbaycanın allüvial-hidromorf torpaqlarının morfogenetik diaqnostikası, təsnifatı və qleyləşmə prosesinin subtropik xüsusiyyətləri: monoqrafiya / V. H. Həsənov; elmi red. A. İ. İsmayılov; AMEA Torpaqşünaslıq və Aqrokimya İnstitutu.- Bakı : Elm, 2021.- 412 s.