Məmməd Arif XX əsr Azərbaycan ədəbiyyatşünaslığının və ədəbi tənqidinin görkəmli nümayəndələrindən biri kimi milli elmi-fikir tarixində mühüm yer tutur. O, Azərbaycan ədəbiyyatının nəzəri və tarixi problemlərinin araşdırılması, ədəbi prosesin elmi əsaslarla təhlili və obyektiv qiymətləndirilməsi sahəsində dəyərli xidmətlər göstərmişdir. Alimin çoxşaxəli fəaliyyəti Azərbaycan ədəbiyyatşünaslığının formalaşması və inkişafında mühüm mərhələ təşkil edir. Məmməd Arif milli ədəbi irsin öyrənilməsi, klassik və müasir Azərbaycan ədəbiyyatının tədqiqi istiqamətində geniş araşdırmalar aparmış, ədəbiyyatın ictimai-estetik mahiyyətini elmi əsaslarla izah etmişdir. O, Azərbaycan ədəbiyyatı tarixinin yaradılması və sistemləşdirilməsi işində yaxından iştirak etmiş, milli ədəbi-mədəni irsin qorunub gələcək nəsillərə çatdırılmasına mühüm töhfələr vermişdir. Alimin elmi əsərlərində Azərbaycan yazıçılarının yaradıcılığı, ədəbi cərəyanlar, bədii-estetik meyillər və milli-mənəvi dəyərlər geniş şəkildə işıqlandırılmışdır. Məmməd Arif eyni zamanda elm və təhsil sahəsində səmərəli fəaliyyət göstərərək yüksək ixtisaslı elmi kadrların hazırlanmasına xüsusi diqqət yetirmişdir. Onun rəhbərliyi altında çoxsaylı tədqiqatçılar yetişmiş, Azərbaycan filologiya elminin inkişafına töhfə vermişlər. Alim uzun illər ərzində müxtəlif elmi müəssisələrdə və ali təhsil ocaqlarında çalışaraq milli elmi məktəbin formalaşmasına xidmət etmişdir. Bu virtual sərgi Azərbaycan ədəbiyyatşünaslığının görkəmli nümayəndəsi Məmməd Arifin zəngin elmi irsini, ədəbi-tənqidi fəaliyyətini və milli mədəniyyətimizin inkişafındakı xidmətlərini əks etdirən kitablar təqdim olunur.