Werke

Fridrix Şillerin alman dilindəki əsərlərindən ibarət bu 14 cildlik nəşr onun şeirlərinin tənqidi şəkildə yenidən işlənmiş toplusudur. Nəşr Şillerin yaradıcılığına xas olan poetik forma və mövzuların müxtəlifliyini, lirik poeziyadan tutmuş fəlsəfi mülahizələrə qədər əhatə edir, həmçinin onun alman və dünya ədəbiyyatının inkişafına təsirini əks etdirir. “Meyers Klassiker-Ausgaben” (“Meyer nəşriyyatının klassiklərin əsərləri”) seriyasına daxil edilən bu nəşr, oxuculara təkcə Şillerin əsərlərini təqdim etmir, həm də onun yaradıcılığının ruhunu və fəlsəfəsini daha dərindən anlamağa kömək edir. Nəşr, XVI–XVII əsrlərdə Almaniyada geniş istifadə olunan qotik şriftlə çap edilmişdir. İntibah və orta əsrlərə xas olan bu şrift əsərə xüsusi tarixi-mədəni ab-hava verir. Həmçinin qeyd etmək lazımdır ki, bu nəşr Azərbaycanın kitab abidələri dövlət reyestrinə daxil edilmişdir.