Werke

İohann Volfqanq Hötenin “Əsərlər”i alman dilində nadir on üç cildlik nəşrdir, böyük alman şairi, dramaturqu və mütəfəkkirinin əsərlərinin diqqətlə yoxlanılmış və şərh edilmiş toplusudur. “Meyers Klassiker-Ausgaben” (“Meyer nəşriyyatının klassiklərin əsərləri”) seriyası çərçivəsində buraxılmış bu topluda, Hötenin fəlsəfi dərinliyi, romantik ruhu və incə psixologizmi ilə seçilən ən yaxşı şeirləri toplanmışdır. Seriya klassik ədəbiyyatı izahat və şərhlərlə tənqidi nəşrlərdə təqdim etmək məqsədi daşıyırdı. Kitablar qotik şriftlə çap olunmuşdur, bu da nəşrə xüsusi tarixi və estetik görünüş verir. Müəllifin portreti ilə tamamlanan bu toplu, alman ədəbiyyatı biliciləri və Höte pərəstişkarları üçün dəyərli bir irsdir. Bu on üç cildlik əsərlər toplusu Azərbaycanın kitab abidələri dövlət reyestrinə daxil edilmişdir.