Le Prince Serge

XIX əsr fransız yazıçısı Janna de Kulombun “Le Prince Serge” (“Knyaz Serj”) adlı nəşri XIX əsrin sonu – XX əsrin əvvəllərində Parisdə, fransız dilində işıq üzü görmüşdür. Kitabın illüstrasiyaları fransız rəssam və illüstrator Loran Qsell tərəfindən çəkilmişdir. Uşaqlar və gənclər üçün nəzərdə tutulmuş mənəvi-tərbiyəvi ədəbiyyat nümunəsi olan bu əsər, knyaz Serjin taleyindən, həyat sınaqlarından, ətrafındakılarla münasibətlərindən və mənəvi yetkinləşməsindən bəhs edir. Hekayədə ailə, dostluq, xeyirxahlıq, borc, mərhəmət və öz əməllərinə görə məsuliyyət daşımaq kimi mövzulara toxunulur. Bu nəşr XIX-XX əsrlərin qovşağında fransız uşaq ədəbiyyatının nümunəsi kimi böyük maraq doğurur.