Don Quichotte de la Manche [Miguel de Cervantès Saavedra]
“Lamançlı Don Kixot” (“Don Quichotte de la Manche”) — Migel de Servantesin məşhur romanının 1906-cı ildə Parisdə fransız dilində nəşr olunmuş qısaldılmış versiyasıdır. Kitab Qüstav Dorenin qravürləri ilə zənginləşdirilmişdir. Nəşrin xüsusi hazırlanmış cildi, zərif tipoqrafiyası və ustalıqla işlənmiş illüstrasiyaları onu yalnız kitab deyil, həm də bir sənət əsərinə çevirir. Roman, həyatın acı gerçəklərinə baxmayaraq dünyaya ədalət gətirmək xəyalı ilə yola çıxan Don Kixotun macəralarından bəhs edir Nüsxə Avropanın ədəbi-bədii irsinin qiymətli nümunəsi kimi Prezident Kitabxanasının Nadir fondunda saxlanılır.