“Şərq-Qərb” Açıq Səhmdar Cəmiyyəti Prezident Kitabxanasına 9 adda 17 nüsxə kitab və 3 ədəd jurnal hədiyyə etmişdir. Hədiyyə olunan nəşrlər Azərbaycan, rus, ingilis və fransız dillərində nəşr olunmuşdur və məzmun etibarilə müxtəlif elmi və mədəni istiqamətləri əhatə edir.

Prezident Kitabxanasına təqdim edilən kitab və dövri nəşrlərdə siyasət və dövlətçilik düşüncəsi, incəsənət və memarlıq irsi, pedaqogika, eləcə də təbiət elmləri sahələrinə dair elmi, elmi-publisistik və tədqiqat xarakterli mövzular əhatə olunmuşdur. Bu nəşrlər milli müstəqillik ideyaları, Azərbaycanın ictimai-siyasi inkişaf yolu, tarixi və mədəni irsin öyrənilməsi və qorunması, eləcə də elmi biliklərə dair aktual mövzuları əks etdirir.

Hədiyyə edilən nəşrlər sırasında yer alan dövri jurnallar aktual ictimai, siyasi və mədəni proseslərə dair materialları əhatə etməklə Prezident Kitabxanasının informasiya resurslarının tematik və məzmun spektrinin genişləndirilməsinə xidmət edir və oxucular üçün əlavə analitik informasiya mənbəyi kimi çıxış edir.

Bu kitab və dövri nəşrlər Prezident Kitabxanasının fondlarının zənginləşdirilməsinə, oxucuların çoxdilli, etibarlı və keyfiyyətli mənbələrdən istifadəsinin genişləndirilməsinə, elmi araşdırmaların və informasiya xidmətlərinin daha səmərəli təşkilinə mühüm töhfə verəcəkdir.

Prezident Kitabxanası göstərilən diqqət və dəyərli hədiyyəyə görə “Şərq-Qərb” Açıq Səhmdar Cəmiyyətinin rəhbərliyi və kollektivinə dərin minnətdarlığını bildirir və nəşrlərin oxucular tərəfindən elmi və maarifləndirici məqsədlərlə istifadəsi nəzərdə tutulur.