2025-ci ilin yanvar ayında Prezident Kitabxanasının Oxu zalında görkəmli dövlət və elm xadimi Əziz Əliyevin 128 illiyinə həsr olunmuş sərgi təşkil edilib. Sərgidə Azərbaycanın ictimai-siyasi, dövlətçilik və elm tarixində özünəməxsus yeri olan Əziz Məmmədkərim oğlu Əliyevin elmi əsərləri, məqalələri, Azərbaycan və rus dillində həyat və fəaliyyətini əks etdirən kitablar, avtoreferatlar, dövri mətbuat materialları toplanıb.