2008-ci il dekabrın 12-də Azərbaycan xalqının ümummilli lideri Heydər Əliyevin anım gününə həsr olunmuş geniş kitab sərgisi təşkil olunub. Mərasiminin iştirakçıları əvvəlcə Prezident Kitabxanasının foyesində Ümummilli Liderin büstü önünə tər güllər düzmüş, sonra isə foto və nəşrlərdən ibarət sərgi ilə tanış olublar.
Sərgi Heydər Əliyevin zəngin və mənalı ömür yolunu əks etdirən müxtəlif kitabları, dövri mətbuat materiallarını və digər nəşrləri əhatə edir.
Ümummilli lider Heydər Əliyevin Azərbaycan xalqı qarşısında xidmətlərindən söz açan kitabxananın direktoru Mayıl Əhmədov bildirib ki istənilən mövzudan söhbət açarkən Heydər Əliyev irsinə müraciət etməklə yaxın keçmişimizin real mənzərəsini göz önündə tam canlandırmaq mümkündür. Çıxış edənlər Heydər Əliyevin xalq və dövlət qarşısındakı misilsiz xidmətlərini və ölkənin müstəqilliyinin bərpası, inkişafı və dünya miqyasında mövqeyinin gücləndirilməsi istiqamətindəki fəaliyyətini qeyd ediblər.