Prezident Kitabxanasının hazırladığı “Azərbaycan-Gürcüstan əlaqələri” adlı elektron layihə iki qonşu və dost ölkə arasında diplomatik əlaqələrin qurulmasının 30 illiyinə həsr edilib. Gürcüstan ilə Azərbaycan Respublikası arasında diplomatik münasibətlər 1992-ci ilin noyabrın 18-də qurulmuşdur. Elektron resurs beş fəsildən və on dörd alt bölmədən ibarətdir. Elektron resursun “Xronologiya” bölməsində iki qonşu və dost dövlətlərin diplomatik, iqdisadi və mədəni münasibətləri təhlil edilir. “Sənədlər” bölməsində Azərbaycan ilə Gürcüstan arasında imzalanan sənədlərin – bəyannamə, muqavilə, memorandum, protokol, saziş və sərəncamların elektron versiyaları istifadəçilərə təqdim edilir. “E-resurslar” bölməsində Kitabxana fonduna daxil olan seçmə kitabların və məqalələrin elektron versiyaları yerləşdirilib. “Biblioqrafiya” bölməsində isə elektron resursun mövzusunu əhatə edən kitablar, məqalələr və avtoreferatlar təqdim edilir. “Fotoqalereya” bölməsində iki dost ölkənin son 30 ildə keçdiyi tarixi yolun fotoxronikası əks olunmuşdur.