Oxuculara təqdim olunan bu kitabda xalqımızın ümummilli lideri Heydər Əlirza oğlu Əliyevin apardığı danışıqlar, keçirdiyi görüşlər, etdiyi nitq və çıxışlarında müstəqil Azərbaycan dövlətinin möhkəmləndirilib inkişaf etdirilməsinə, respublikamızın sürətli iqtisadi tərəqqisi və yüksəlişi, xalqımızın rifahı naminə dövlət idarəetmə sistemində dövlət nəzarətinin qaydaya salınması və sahibkarlığın inkişafı, istehsal, xidmət, maliyyə, kredit, səhiyyə, təhsil sahəsində aparılan islahatlara həsr olunmuş materiallar toplanmışdır. Kitabda ulu öndərin Türkiyədə Gülhanə Hərbi Tibb Akademiyasında müalicə olunduğu zaman ziyarətinə Türkiyənin dövlət və hökumət rəhbərləri, Böyük Millət Məclisinin elçiləri, Azərbaycandan gələn nümayəndə heyəti və başqaları ilə yüksək səviyyəli görüşləri, söhbətləri, dünyanın nüfuzlu mətbuat orqanlarına bəyanat və müsahibələri də verilmişdir.