.: PREZİDENT KİTABXANASI :.

Yeni kitablar

XX əsr Azərbaycan tarixi: dərslik / red. T.T.Vəliyev
II cild /Y.B.Yusifov [et al.].- Bakı: Təhsil, 2009.- 560 s.

Dərslikdə XX əsrin əvvəllərində ölkəmizdə kənd təsərrüfatı və sənayenin inkişafı, hökumətin verdiyi aqrar qanunlar, çarizmin köçürmə siyasəti, siyasi partiyaların və siyasi təşkilatların yaranması, çar rejiminə qarşı yönəlmiş fəhlə tətilləri və kəndli çıxışlarından bəhs olunur. Bununla yanaşı, 1918-1920-ci illərdə fəaliyyət göstərmiş Azərbaycan Xalq Cümhuriyyəti, onun daşnak-bolşeviklər tərəfindən devrilməsi, bolşevik ağalığı dövründə Azərbaycanda baş vermiş faciələr, 20-30-cu illərin repressiyaları, Vətən müharibəsində Azərbaycanın iştirakı, “mülayimləşmə” dövründə ölkəmizin vəziyyəti əhatə olunmuşdur. XX əsrin son 30 ilinə xüsusi yer verilmişdir. SSRİ-nin dağılması, Azərbaycanda dövlətçiliyin bərpası, Qarabağ düyünü, Heydər Əliyevin hakimiyyətə qayıdışı, onun prezidentliyi dövründə daxili və xarici siyasət kitabda hərtərəfli işıqlandırılmışdır.

Piriyev, Abbas Musa oğlu. Sosiologiya və politologiya fənnindən mühazirə mətnləri: dərs vəsaiti /A.M.Piriyev, X.B.Əfəndiyeva; red. Ə.C.Əhmədov.- Bakı: Təhsil NPM, 2009.- 352 s.

Dərs vəsaiti sosiologiya və politologiya üzrə tərtib edilmiş mühazirə mətnlərindən ibarətdir. Kitabda hər bir mövzunun planı və plana uyğun mətni, ədəbiyyatı və sxemi verilmişdir. Mühazirə mətnləri tərtib edilərkən dünyada və ölkədə baş verən sosial - siyasi dəyişikliklərin təhlili də nəzərə alınmışdır.

Musayev, Şakir Məzlum oğlu. Məhkəmə-tibbi ekspertiza və onun imkanları /Ş.M.Musayev
I cild.- Bakı: Yeni Poliqrafist MMC, 2009.- 278 s.

Kitabda məhkəmə-tibbi ekspertizanın müasir imkanları, təşkili və keçirilməsinin prosessual əsasları, müayinə obyektlərinin götürülməsinə və ekspertizaya göndərilməsinə dair tələblər, ekspertiza zamanı həlli mümkün olan suallar, ekspert nəticələrinin qiymətləndirilməsinin prinsipləri və digər məsələlər barədə qısa və dolğun məlumatlar öz əksini tapmışdır.

Qarayeva, Gülxanım İbrahim qızı. Ərəb ölkələrinin orta əsrlər və yeni dövr tarixi: dərslik /G.İ.Qarayeva, A.M.Hacıqədirli.- Bakı: Adiloğlu, 2009.- 408 s.

İdarəetmənin əsasları /S.M.Məmmədov [et al.].- Bakı: Nurlar NPM, 2009.- 144 s.

Səmədzadə, Ziyad Əliabbas oğlu. Çin qlobal dünya iqtisadiyyatında /Z.Ə.Səmədzadə.- Bakı: Elm və Təhsil, 2009.- 608 s.

Çin xalqının əldə etdiyi nailiyyətlərin hərəkətverici qüvvəsi nə olmuşdur? İslahatların ana xəttini nə təşkil etmişdir? Çinin qloballaşan dünya iqtisadiyyatında yaxın və uzaq gələcəkdə rolu necə dəyişəcəkdir? Kitabda bu kimi suallara cavab verməyə cəhd edilmişdir. Kitabda qloballaşan dünya iqtisadiyyatının inkişaf meyilləri, qanunauyğunluqları araşdırılmış, müqayisəli təhlillər əsasında ölkələrin iqtisadi inkişaf modelləri barədə ümumiləşdirmələr verilmişdir.

Mirbəşiroğlu, Elşad. Siyasi münaqişələr: mahiyyəti, quruluşu, həlli: monoqrafiya /E.Mirbəşiroğlu; elmi red. H.B.Məmmədov; Azərbaycan Respublikasının Prezidenti yanında Dövlət İdarəçilik Akademiyası.- Bakı: Elm, 2009.- 524 s.

Monoqrafiyada siyasi münaqişənin mahiyyəti, baş vermə səbəbləri, strukturu, inkişaf dinamikası, tipologiyası, tənzimlənməsi dərindən araşdırılmaqla yanaşı, cəmiyyətin sosial-siyasi sabitliyinə real təhlükə törədən siyasi terrorizm probleminin tədqiqinə də geniş yer verilmişdir.

Rəhimli, Ruslan Hilal oğlu. Azərbaycan-Rusiya münasibətlərində Şimali Qafqaz faktoru: 1991-1997: monoqrafiya / R. H. Rəhimli ; elmi red. A. Balayev. - Bakı : Elm, 2009. - 199 s.

Monoqrafiyada 1991-1997-ci illərdə Şimali Qafqazda yaranmış etnosiyasi vəziyyət, bu regionda ortaya çıxmış problemlərin tarixi kökləri, müstəqilliyin əldə edilməsindən sonra Azərbaycan-Rusiya münasibətlərinin xarakteri, SSRİ-nin iflasından sonra Şimali Qafqazda yaranan yeni etnosiyasi vəziyyətin mahiyyəti, əsas xüsusiyyətləri, Qafqaz evi və Qafqazın digər ictimai - siyasi təşkilatları, etnik separatizm problemləri və milli ayrı-seçkilik cəhdləri, Rusiya - Çeçenistan münaqişəsi və bu münaqişənin regiondakı münasibətlərə təsiri, müasir dövr Azərbaycan-Rusiya münasibətləri kontekstində Şimali Qafqazda yaranan problemlərin səbəbləri öyrənilir, yeni etnosiyasi reallıqlar araşdırılır.

Qəndilov, Seyfəddin Mirtağı oğlu. Dövlətçilik təfəkkürü, idarəçilik məharəti: dərs vəsaiti /S.M.Qəndilov; red. Ə.Həsənov.- Bakı : Azərbaycan, 2009.- 432 s.

Müəllifin 2006-cı ilin ikinci yarısından 2009-cu ilin sonunadək olan dövrü əhatə edən bu kitabına onun müasir narahat dünyamızın aktual hadisələrinə və respublikamızın ictimai-sayasi həyatının müxtəlif məsələlərinə dair mətbuat səhifələrində dərc edilmiş məqalələri, Dövlət İdarəçilik Akademiyasında keçirilmiş müxtəlif tədbirlərdəki məruzə, nitq və çıxışları daxil edilmişdir. Əksəriyyəti dövlətçiliyimizlə bağlı olan məqalələrdə müstəqil respublikamızın ictimai-siyasi və iqtisadi həyatı, xalqımız, dövlətçiliyimiz üçün vacib olan məsələlər, Heydər Əliyev və dövlət idarəetmə kadrlarının hazırlanması, cənab İlham Əliyevin prezidentliyinin birinci dövründə cəmiyyət həyatının bütün sahələrində əldə olunmuş nailiyyətlər, Heydər Əliyev Fondunun və onun prezidenti xanım Mehriban Əliyevanın təhsilimizə, xalq müsiqimizə, mədəniyyətimizə göstərdiyi qayğı, dövlət qulluğu sahəsindəki islahatlarla, Konstitusiyamıza əlavə və dəyişikliklərin edilməsi, Dövlət İdarəçilik Akademiyasında kadr hazırlığı ilə bağlı fikir və mülahizələr öz əksini tapmışdır.

Əfəndiyev, Məcid Əhməd oğlu. Siyasi və hüquqi təlimlər tarixi /M.Ə.Əfəndiyev; elmi red. N.Mikayılov.- Təkrar nəşri.- Bakı : Elm, 2009. - 626 s.

Kitabda antik dövrdən başlayaraq XX əsrin 90-cı illərinədək dünya ölkələrinin siyasi-hüquqi fikir tarixini əks etdirən başlıca təlimlər, nəzəriyyələr, doktrinalar və konsepsiyalar açıqlanır, siyasi və hüquqi təsisatların təşəkkülü və inkişafında onların rolu təhlil edilir. Kitabda Azərbaycanın siyasi-hüquqi fikir tarixinin ən başlıca və ən əhəmiyyətli inkişaf mərhələlərinə xüsusi diqqət yetirilir.

Ağayev, Mir Müstəqil Mir Bağır oğlu. Azərbaycan demokratik fikrində insan konsepsiyası: monoqrafiya /M.M.Ağayev; elmi red. S.Hüseynov; AMEA Fəlsəfə, Sosiologiya və Hüquq İnstitutu.- Bakı: Nurlan, 2009.- 208 s.

Cəmiyyət insanlardan ibarətdir. İnsanlar isə mənəvi-əxlaqi keyfiyyətlərinə görə bir-birindən fərqlənirlər. Zaman-zaman insana münasibətlər dəyişmiş, müxtəlif baxışlar sistemi meydana çıxmışdır. Azərbaycan demokratik fikrinin nümayəndələri M.Ə. Sabir, C. Məmmədquluzadə, A. Şaiq, A. Səhhət, M. Hadi və H. Cavid də öz yaradıcılıqlarında bu məsələyə xüsusi diqqət yetirmiş: insan nədir, cəmiyyətdə onun yeri və rolu, insan hansı mənəvi-əxlaqi keyfiyyətlərə malik olmalıdır, sağlam cəmiyyətin yaradılmasında tərbiyənin rolu, valideynlərin, tərbiyəçilərin, müəllimlərin və s. haqqında öz fikir və mülahizələrini söyləmişlər. Bu monoqrafiya da Azərbaycan demokratik fikrində insan konsepsiyasına həsr edilmişdir.

Məmmədov, Nüsrəddin Məmmədcəfər oğlu. Keçid dövründə Azərbaycanın milli iqtisadiyyatının formalaşmasının xüsusiyyətləri: monoqrafiya /N.M.Məmmədov; elmi red. F.F.Mustafayev.- Bakı: Azərnəşr, 2009.- 568 s.

Monoqrafiyada bir iqtisadi sistemin inkişaf edərək digərinə, daha mütərəqqisinə keçidinin ümumi iqtisadi qanunauyğunluqları, Azərbaycanın keçid dövrünün iqtisadiyyatı, ilkin kapital yığımı, özəlləşdirmə və sahibkarlığın inkişafı, keçid dövründə Azərbaycanın sağlam milli iqtisadiyyatının formalaşması və inkişafı problemləri geniş aspektdə şərh olunur.

Azərbaycan regionlarında iqtisadiyyatın dayanıqlı inkişafı: monoqrafiya /R.P.Sultanova [et al.]; elmi red. R.P.Sultanova; AMEA İqtisadiyyat İnstitutu.- Bakı: Elm, 2009.- 296 s.

Kitabda ölkə regionları iqtisadiyyatının müasir vəziyyəti, o cümlədən, əhalisi, təbii ehtiyatlar potensialı, sənaye və kənd təsərrüfatının mövcud vəziyyəti və inkişaf meyilləri təhlil olunmuşdur. Monoqrafiyada Azərbaycan regionlarında sosial sferanın inkişafının əsas istiqamətləri və bələdiyyələrin fəaliyyətinin təkmilləşdirilməsi yolları göstərilmişdir.

Ağaoğlu, Əhməd. İran və inqilabı /Ə.Ağaoğlu; elmi red., ön söz müəl. V.Sultanlı.- Bakı: Azərnəşr, 2009.- 152 s.

Əhməd Ağaoğlunun tarixi-publisistik səpkidə qələmə aldığı “İran və inqilabı” əsərində 1500-cü ildən başlayaraq iyirminci yüzilin əvvəllərinə qədər İran adlanan ölkənin tarixi izlənilmişdir. Müəllif İranın tarixində və tərəqqisində mühüm rol oynamış türk sülalələrinin idarəçilik və dövlətçilik mexanizmini izləmiş, yaradılan hakimiyyət sisteminin özünəməxsus xüsusiyyətlərini aşkarlamağa çalışmışdır.

Искендерова, Марзия Сабир гызы. Азербайджано-русские отношения XVIII-начала XIX вв. в азербайджанской историографии: 20-80-е годы XX века: монография /М.С.Искендерова; науч. ред. Т.Т.Мустафазаде; Институт Истории им. А.А. Бакиханова НАНА.- Баку: Елм, 2009.- 440 с.

В работе прослеживаются этапы изучения азербайджано-русских отношений XVIII-начала XIX вв. в исторической литературе XX века. Основу исследования составил глубокий анализ азербайджанской и русской историографии, в ходе которого рассматривается процесс выработки доминирующей концепции данной проблемы, полностью соответствующей требованиям советской эпохи. В работе показан вклад азербайджанских и русских ученых в разработку азербайджанско-русских отношений в указанный период.

Səhifələrin sayı: 712 3 4 5 »...Sonuncu »